Juridiksioni i Gjykatës komunale në Ferizaj

Juridiksioni i gjykatës komunale është përcaktuar sipas Ligjit mbi Gjykatat e Rregullta të vitit 1978.

Për cilin territor është kompetente Gjykata Komunale në Ferizaj?

Është kompetente për territorin e komunave të Ferizajt, Shtimes dhe Shtërpcës. Gjykata ka një degë në Shtërpcë.

Për cilat lëndë ka juridiksion Gjykata Komunale në Ferizaj?

Gjykata Komunale në Ferizaj vepron si gjykatë e shkallës së parë që gjykon mbi lëndë të caktuara civile dhe penale për territorin që ka në juridiksion. 

Sidomos:

• Shqyrton lëndët civile:

1. lëndët kontestimore, të cilat iniciohen me padi, si p.sh. kompensimi për dëme, çështjet mbi pronësinë, kontestet e punës, etj., dhe
2. lëndët jashtë-kontestimore si p.sh. trashëgimia, ndarja e pasurisë së përbashkët (ndarja fizike), kujdestaria, vërtetimi  i kontratave, etj.

• Shqyrton lëndët penale për të cilat dënimi është deri në pesë vite burgim. Në këto lëndë hyjnë: falsifikimet, rrezikimi i rendit publik, lëndimet trupore, vjedhjet, ofendimet dhe mashtrimet. 
• Bën ekzekutimin e vendimeve gjyqësore në lëmin civile dhe sanksioneve penale.